ÇL-in “play-off”unda Azərbaycan dueli

Minifutbol üzrə Çempionlar Liqasında pley-off mərhələsinin cütləri məlum olub.

TodayPress xəbər verir ki, 1/8 final Azərbaycan klublarının dueli ilə əlamətdar olacaq.

Turnirdə ölkəmizi təmsil edən "Birbaşa Bakı" və "AzNur" bu mərhələdə öz aralarında münasibətlərinə aydınlıq gətirəcəklər. 

Görüşün qalibi 1/4 finalda "Meksikani Ber Şava" (İsrail) - "Belfut İaşi" (Rumıniya) cütünün güclüsü ilə qarşılaşacaq.

Qeyd edək ki, hər iki klubumuz qrup mərhələsini məğlubiyyətsiz başa vurub. "Birbaşa Baku" 5 xalla E qrupunu 2-ci, "AzNur" isə eyni xalla C qrupunu 3-cü pillədə bitirib. 

Namiq HUN