Cəfərquliyev antirekord müəyyən etdi

2024-cü ildə ən çox qırmızı vərəqə alan futbolçular məlum olub.

TodayPress xəbər verir ki, dünyanın anrtirekordçularını Beynəlxalq Futbol Tarixi və Statistikaları Federasiyası (IFFHS) açıqlayıb.

İl ərzində üç futbolçu hərəyə 4 qırmızı vərəqə alıb.

Onlardan biri “Qarabağ”ın futbolçusu Elvin Cəfərquliyevdir. O, Avropa Liqasının “Braqa”, “Bayer”, “Ayaks”, Premyer Liqanın isə “Araz-Naxçıvan”la görüşlərində meydandan qovulub. 

IFFHS Elvinin qitəmiqyaslı eyni turnirdə bir təqvim ilində üç qırmızı vərəqə almasını nadir hadisə kimi dəyərləndirib.

Cəfərquliyev 2024-cü ildə 4 qırmızı vərəqə alan ilk oyunçu olub.

Azərbaycan çempionunun şərikləri isə braziliyalılar Joao Viktor (“Vasko de Qama”) və Alan Rasçeldir (“Yuventud”). 

Namiq HUN