Burak Yılmaz Super Liqaya təyinat aldı

Super Liqa təmsilçisi "Kasımpaşa" futbol klubu yeni baş məşqçisini açıqlayıb. 

TodayPress klubun rəsmi saytına istinadən xəbər verir ki, yeni baş məşqçi Burak Yılmaz olub.

O, ötən mövsüm “Kayserispor”u çalışdırıb. Kayseri təmsilçisini 21 matça çıxaran Burak Yılmaz 3 qələbə, 10 heç-heçə və 8 məğlubiyyətlə yadda qalıb. Mütəxəssis cari mövsüm “Beşiktaş” matçından (3:0) sonra “Kayserispor”dan ayrılıb.

Qeyd edək ki, Burak Yılmaz “Kasımpaşa”da Hakan Keleşi əvəz edib. 

Namiq HUN