Bu gün Avro-2024 start götürür

Bu gün Almaniyada futbol üzrə XVII Avropa çempionatına start veriləcək.

TodayPress xəbər verir ki, A qrupunun ilk matçında ev sahibi komanda Şotlandiya ilə qarşılaşacaq.

Münhendəki "Allianz Arena"da baş tutacaq görüşü fransalı FIFA referisi Kleman Tyurpen idarə edəcək. Oyunun start fiti saat 23:00-da səslənəcək.

Qeyd edək ki, bu qrupun digər qarşılaşması sabah, saat 17:00-da Macarıstan və İsveçrə yığmaları arasında gerçəkləşəcək.

Namiq HUN