Bədii gimnastlarımızın Saraqosa uğuru

Azərbaycanın bədii gimnastika üzrə qrup hərəkətləri komandasının İspaniya turnesi uğurla başa çatıb.

TodayPress xəbər verir ki, komandamız Saraqosa turnirində 3 medal qazanıb.

Heyəti Güllü Ağalarzadə, Kamilla Əliyeva, Yelizaveta Luzan, Darya Sorokina, Ləman Əlimuradova və Zeynəb Hümmətovadan ibarət olan qrup komandası 5 halqa ilə çıxışda gümüş medal qazanıb.

Gimnastlarımız 3 lent və 2 topla çıxışda da fəxri kürsünün ikinci pilləsinə qalxıb.

Qeyd edək ki, beynəlxalq turnirin ilk günündə yığmamız çoxnövçülük proqramında bütün rəqiblərini qabaqlayaraq qızıl medala sahib olub.

Namiq HUN