"Bavariya" Musiala ilə anlaşdı

“Bavariya” klubu futbolçusu Camal Musiala ilə yeni müqavilə imzalayıb.

TodayPress klubun rəsmi saytına istinadən xəbər verir ki, yarımmüdafiəçinin Bundesliqa təmsilçisi ilə yeni sözləşməsinin müddəti 2030-cu ilə qədər nəzərdə tutulub.

Musialanın əvvəlki müqaviləsi 2026-cı ilin yayına qədər idi.

Qeyd edək ki, 22 yaşlı futbolçu cari mövsüm meydana çıxdığı 24 oyunda 14 qol vurub və 6 məhsuldar ötürmə edib.

Namiq HUN