Basketbol üzrə U-18 millimiz Avropa çempionu oldu

18 yaşadək basketbolçu oğlanlardan ibarət Azərbaycan millisi Avropa çempionu titulunu qazanıb. 

TodayPress xəbər verir ki, C divizionunda çıxış edən komandamız Albaniyada keçirilən yarışın həlledici matçında Lüksemburq yığması ilə üz-üzə gəlib. 

Millimiz Elbasanın Tomorr Sinani İdman Sarayında ardıcıl 4-cü qələbəsini qazanıb. Basketbolçularımız final matçında rəqibdən 78:71 hesabı ilə üstün olaraq C divizionunda 1-ci yeri tutub.

Qeyd edək ki, ilk üçlüyü bürünc medallar uğrunda matçda Ermənistanı məğlub edən Albaniya komandası tamamlayıb.

Namiq HUN