Bakıdan Tirola – "Qarabağ"ın yay hazırlıq planı açıqlandı

“Qarabağ” futbol klubunun mövsümlərarası fasilə dövründəki hazırlıq planı açıqlanıb.

TodayPress xəbər verir ki, Azərbaycan çempionu iyunun 18-də Bakıda bir araya gələcək. Milli komandanın üzvü olan “köhlən atlılar” isə iyunun 23-də “Qarabağ”a qoşulacaqlar.

Komandanın Bakıdakı toplantısı müddətində iki yoxlama oyununun keçirilməsi planlaşdırılır. Bu qarşılaşmalar iyunun 29-da və iyulun 2-də baş tutacaq.

Hazırlıq prosesinin ikinci mərhələsi Avstriyada keçiriləcək. “Qarabağ” iyulun 5-17-də Tirol bölgəsində təlim-məşq toplanışına qatılacaq. Komanda hazırlıq çərçivəsində iki oyun günündə 4 yoxlama görüşü keçirəcək. Bu matçlar iyulun 9-da və 16-da baş tutacaq.

Namiq HUN