Azərbaycanlı futbolçu Albaniya Superkubokunu qazandı

Azərbaycanlı futbolçu Albaniya Superkuboku titulunu qazanıb.

TodayPress xəbər verir ki, Zamiq Əliyevin çıxış etdiyi “Eqnatiya” klubu finalda "Kukeşi"yə qalib gəlib.

2023/2024 mövsümündə Albaniya çempionu olub və ölkə kubokuna sahib çıxan “Eqnatiya” klubu Superkubokda da qələbə qazanıb. 

Zamiqin komandası Albaniya kubokunun finalında olduğu kimi, bu dəfə də "Kukeşi"ni (2:0) məğlub edib.

Azərbaycanlı futbolçunun adı iştirak ərizəsinə daxil edilsə də, o, Superkubokun finalında meydana çıxmaq şansı qazanmayıb.

Namiq HUN