Azərbaycanın 7 şahmatçısı “Top-100”də yer aldı

FIDE şahmatçıların aprel ayı üçün dünya reytinqini açıqlayıb.     

TodayPress xəbər verir ki, Azərbaycanın kişi şahmatçılarından ən yaxşı göstəriciyə Şəhriyar Məmmədyarov malikdir.

O, 2748 xalla 13-cü pillədə qərarlaşıb.  Teymur Rəcəbov (2692) 39-cu sırada yer alıb.

Rauf Məmmədov (2657) isə 69-cudur.   

Hər üç şahmatçımız dünya reytinqində geriləyib.

Şəhriyarla Rauf 2, Teymur isə 4 pillə itirib.   

FIDE reytinqinə 2837 xalla norveçli qrossmeyster Maqnus Karlsen başçılıq edir. 

Qadın şahmatçılar arasında ən yaxşı nəticə sıralamada 45-ci olan Gövhər Beydullayevaya (2400) məxsusdur.

Hesabında 2390 xalı olan Günay Məmmədzadə isə 53-cüdür. Hər iki şahmatçımız 2 pillə geriləyib.   

Milli üzvlərindən Ülviyyə Fətəliyeva (2387) 57-ci, Xanım Balacayeva (2358) isə 85-ci pilləni qoruyub. 

Qadınların reytinq cədvəlinə 2633 xalla çinli Yifan Hou başçılıq edir.   

Namiq HUN