Azərbaycanı Gimnaziadada təmsil edəcək karateçilər müəyyənləşdi

Azərbaycanı Serbiyanın Zlatibor şəhərində keçiriləcək Gimnaziadada təmsil edəcək karateçilər bəlli olub.

TodayPress Karate Federasiyasının mətbuat xidmətinə istinadən xəbər verir ki, yığma bu gün Serbiyaya yola düşüb.

Yarışda Qorxmaz Səfərli, İbiş Muradlı, Fidan Baxışlı, Zəynəb Abbasova və Zəhra Feyziyeva bacarığını göstərəcək.

Qeyd edək ki, bu gün startı verilən Gimnaziadaya aprelin 14-də yekun vurulacaq.