Azərbaycan şahmatçısı Dünya Kubokuna vəsiqə qazandı

Beynəlxalq qrossmeyster Rauf Məmmədov Monteneqroda keçirilən Avropa çempionatında Dünya Kubokuna vəsiqə qazanıb.

TodayPress xəbər verir ki, o, Petrovats şəhərində təşkil olunan yarışda 14-cü yeri tutmaqla buna nail olub.

Qeyd edək ki, 11 turun nəticəsinə görə azərbaycanlı şahmatçılar arasında ən yaxşı göstərici məhz Rauf Məmmədovun aktivindədir. O, 7,5 xal toplayıb. Digər təmsilçilərimiz ilk “20-liy”ə düşə bilməyiblər.

Avropa çempionu titulunu 9 xal toplayan serbiyalı Aleksandar İnciç qazanıb. 

Namiq HUN