Azərbaycan medal sıralamasında 15-cidir

Azərbaycan Paris Olimpiadasında medal sıralamasında 15-ci pilləyə yüksəlib.

TodayPress xəbər verir ki, bu, cüdoçu Zelim Kotsoyevin (100 kq) qızıl medal qazanması sayəsində mümkün olub.

Daha əvvəl digər cüdoçu Hidayət Heydərov (73 kq) olimpiya çempionu adını qazanıb.

Boksçu Alfonso Dominqes (92 kq) yarımfinala yüksəlməklə ən azı bürünc medalı təmin edib. O, mübarizəyə davam etdiyi üçün mükafat cədvəldə göstərilməyib.

Qeyd edək ki, Türkiyə (1 gümüş, 1 bürünc) 35-ci, Gürcüstan isə (1 qızıl, 2 gümüş) 17-ci sıradadır.

İlk "üçlük"də Çin (11 qızıl, 7 gümüş, 6 bürünc), ABŞ (9 qızıl, 15 gümüş, 13 bürünc) və Fransa (8 qızıl, 11 gümüş, 8 bürünc) yer alıb.

Namiq HUN