Azərbaycan dünya çempionatında mübarizəni davam etdirir

İspaniyada çimərlik futbolu üzrə dünya çempionatı keçirilir. 

TodayPress xəbər verir ki, A qrupunda yer alan Azərbaycan yığma komandası seçmə mərhələdə son oyununa çıxıb. 

Kadis turnirində İspaniya komandası ilə qarşılaşan millimiz məğlubiyyətlə barışıb. Oyun meydan sahiblərinin 7:0 hesablı qələbəsi ilə başa çatıb. 

Qeyd edək ki, komandamız qrupun digər matçlarında İngiltərə (4:0) və Gürcüstan (7:2) yığmalarını məğlub edib. 

A qrupda ikinci yeri tutan Azərbaycan komandası 1/8 finala vəsiqə qazanıb. Pley-off matçı oktyabrın 9-da keçiriləcək.

Namiq HUN