Azərbaycan cüdoçusu Parisdə bürünc medal qazandı

Azərbaycanın daha bir cüdoçusu Fransanın paytaxtı Parisdə təşkil olunan "Böyük Dəbilqə" turnirində fəxri kürsüyə yüksəlib.

TodayPress xəbər verir ki, 73 kq çəki dərəcəsində mübarizə aparan Rəşid Məmmədəliyev yarışın bürünc medalını qazanıb.

O, üçüncü yer uğrunda görüşdə Portuqaliya təmsilçisi Otari Kvantidzeyə qalib gəlib.

Qeyd edək ki, bu gün Azərbaycanın digər cüdoçusu Ruslan Paşayev (66 kq) turnirin qızıl medalına sahib çıxıb.