Avropa çempionatında “play-off” oyunları başlayır

Futbol üzrə Avropa çempionatında bu gün 1/8 final mərhələsinin oyunları start götürəcək. 

TodayPress xəbər verir ki, günün ilk matçında İsveçrə və İtaliya yığmaları qarşılaşacaq. 

Berlindəki “Olimpiaştadion” stadionunda keçiriləcək oyunda A və B qrupunun ikinciləri münasibətlərinə aydınlıq gətirəcək. Şimon Marçinyakın (Polşa) idarə edəcəyi matç saat 20:00-da başlayacaq. 

Pley-off mərhələsinin daha bir oyunu Almaniya və Danimarka seçmələri arasında baş tutacaq.

Dortmundun "Siqnal İduna Park" stadionunda A qrupunun birincisi olan meydan sahibləri C qrupunun ikincisi ilə qarşılaşacaq. Maykl Oliverin (İngiltərə) fit sahibi olduğu matç saat 23:00-da başlayacaq. 

Namiq HUN