AŞF 8 beynəlxalq open yarış təşkil edəcək

Azərbaycan Şahmat Federasiyası (AŞF) ilk dəfə olaraq bütün ölkəni əhatə edəcək “Azərbaycan Şahmat Turu” (“Chess Tour Azerbaijan”) keçirəcək.   

TodayPress xəbər verir ki, “Azərbaycan Şahmat Turu” çərçivəsində 7 şəhərdə 8 beynəlxalq open yarış təşkil olunacaq.   

Beynəlxalq xarakter daşıyacaq turnirlər ölkə üzrə şahmatçıların təcrübəsini artırmaq məqsədi daşıyır.   

Şahmat turu aprelin 28-dən etibarən “Baku Open” beynəlxalq şahmat festivalı ilə start götürəcək.

Daha sonra Şəki, Şamaxı, Lənkəran, Quba və Gəncə şəhərlərində təşkil olunacaq tura 19-26 noyabrda “Shirvan Open”lə yekun vurulacaq. 

Qeyd edək ki, “Azərbaycan Şahmat Turu” çərçivəsində həm də “Vüqar Həşimov Open” turniri baş tutacaq.   

Namiq HUN