Aquero "Barselona"nı məhkəməyə verdi

“Barselona”nın sabiq hücumçusu Serxio Aquero keçmiş klubunu məhkəməyə verib.

TodayPress "AS"a istinadən xəbər verir ki, Aquero Kataloniya təmsilçisindən 3 milyon avro məbləğində maaşını tələb edir.

“Barselona” futbolçuya sığorta müqaviləsinin ilk ili üçün əmək haqqını ödəyəcəyini bildirib.

Lakin sığorta şirkəti pulu köçürməkdən imtina edib.

Xatırladaq ki, Serxio Aquero “Barselona”ya 2021-ci ilin yayında keçib.  O, ürək probleminə görə elə həmin ilin dekabr ayında karyerasını bitirməli olub.

Namiq HUN