Amerika Kubokunda daha iki oyun keçirildi

ABŞ-də təşkil olunan futbol üzrə Amerika Kubokunda qrup mərhələsinin oyunları keçirilir.

TodayPress xəbər verir ki, B qrupunun görüşləri çərçivəsində Ekvadorla qarşılaşan Venesuela millisi 2:1 hesabı ilə qələbə qazanıb.

Qrupun digər oyununda isə Meksika Yamayka yığmasından güclü olub 1:0.

Qeyd edək ki, Amerika Kuboku iyulun 14-də başa çatacaq. Son olaraq Argentina yığması 2021-ci ildə turnirin qalibi olub.

Namiq HUN