A Seriyasının oyunu fizioterapevtin ölümü səbəbi ilə başqa tarixə salındı

İtaliya A Seriyasının XXXIV turunda baş tutmalı olan “Atalanta” – “Leççe” oyunu qonaq komandanın fizioterapevti Qratsiano Fioritanın ölümü səbəbi ilə başqa tarixə keçirilib.

TodayPress  xəbər verir ki, bu barədə "Leççe"nin mətbuat xidməti məlumat yayıb.

Qarşılaşmanın daha əvvəldən aprelin 25-də oynanılması nəzərdə tutulub. Lakin məlum səbəbə görə, matç 2 gün sonra - aprelin 27-də reallaşacaq.

Qeyd edək ki, 47 yaşlı klub işçisi otağında ölü tapılıb.