MN: Seyfəli poliqonunda yararsız döyüş sursatları sıradan çıxarılacaq

Seyfəli poliqonunda döyüş sursatlarının məhv edilməsi həyata keçiriləcək.

TodayPress xəbər verir ki, bu barədə Müdafiə Nazirliyi məlumat yayıb.

"Azərbaycan Ordusunun bölmələri tərəfindən istismar müddəti başa çatmış və istifadəyə yararsız döyüş sursatlarının təhlükəsizlik qaydalarına riayət olunmaqla planlı şəkildə məhv edilməsi davam etdirilir. Döyüş sursatlarının məhv edilməsi prosesi 9 sentyabr 2024-cü il tarixdən 13 sentyabr 2024-cü il tarixədək Seyfəli poliqonunda həyata keçiriləcək" deyə məlumatda bildirilib.

Qeyd edilib ki, aparılan partlayış işləri ilə əlaqədar ictimaiyyətə mütəmadi olaraq məlumat veriləcək.