Gələcək müharibələrin nəticəsi PUA-lardan asılı olacaq

Aşağı istehsal qiyməti və avtomatlaşdırılmış pilotsuz zərbə sistemlərinin yüksək səmərəliliyi tezliklə ənənəvi döyüş vasitələrini, o cümlədən tankları və artilleriyanı kölgədə qoyacaq.

TodayPress xəbər verir ki, bu fikri amerikalı milyarder və ”Google” korporasiyasının direktorlar şurasının sabiq sədri Erik Şmidt səsləndirib.

Onun sözlərinə görə, dünyadakı çoxsaylı tanklar indi praktiki olaraq yararsızdır. Döyüş meydanında 5 min dollarlıq PUA 5 milyon dollara başa gələn tankı asanlıqla məhv edə bilir.

Nəşr qeyd edir ki, pilotsuz uçuş aparatları Ukraynada döyüş əməliyyatlarının xarakterini tamamilə dəyişib. Burada ucuz FPV dronlar həm canlı qüvvəni, həm də texnikanı effektiv məhv etmək üçün dominant vasitəyə çevrilib. Lakin indiyədək bütün münaqişələrdə ənənəvi döyüş vasitələrindən geniş istifadə olunur. Hərb meydanında aparıcı rol isə hələ də artilleriya vasitələrinə aiddir. Sahibkar deyib ki, dronların və süni intellekt texnologiyalarının gələcək inkişafı bu vəziyyəti tamamilə dəyişəcək.