Zaqatalada yeni doğulan körpə öldü

Zaqatalada daha bir yeni doğulan körpə ölümü qeydə alınıb.

TodayPress apa-ya istinadən xəbər verir ki, Zaqatala şəhərində anadan olan və rayonun Cimcımax kəndinə gəlin köçən 19 yaşlı Cəmilə Elman qızı Əliyeva bu gün dünyaya uşaq gətirmək üçün axşam saat 18 radələrində Zaqatala RMX-nın doğum şöbəsinə daxil olub.

Əliyeva doğum şöbəsinə daxil olduqdan iki saat sonra həkim mama-ginekoloq Yeganə Bayraməliyeva iştirakı ilə təbbi doğuş baş tutub. Doğuş zamanı ölü qız uşağı doğulub.

Cəmilə Əliyevanın valideyinlərinin verdiyi məlumata görə, qızı Əliyevanın hamiləlik dövründə həkimi mama-ginekoloq Rəna Sultanova olub.

Doğuşa kimi yoxlamalar zamanı R. Sultanova həmiləliyin normal keçməsi bərədə məlumat verib.

Hətta bu gün axşam saatlarında C. Əliyevanın doğum şöbəsinə qəbul edilən zaman yoxlanışda ana bətnində uşağın ürək döyüntülərinin zəif olması barədə valideyinlərə məlumat verilib.

Lakin doğuşdan sonra dərhal valideyinlərə uşağın ana bətnində bir-neçə gün əvvəl öldüyü bildirilib.

Cəmilə Əliyevanın oktyabrın sonunda ultra səs müayinəsindən keçdiyi və müayinə zamanı həmiləliyin normal olması barədə rəy verilib.

Qeyd edək ki, son 10 gün ərazində Zaqatala RMX-nın doğum şöbəsində bu faktda daxil olmaqla üçüncü yeni doğulan körpə ölümüdür.

Hər üç faktla bağlı Zaqatala rayon prokurorluğunda araşdırma aparılır.