Zaqatalada iki avtomobil toqquşdu: Qadın və sürücü yaralandı

Zaqatalada minik avtomobilləri toqquşub.

TodayPress xəbər verir ki, hadisə axşam saatlarında Zaqatala şəhəri, Faiq Əmirov küçəsində baş verib. 

Rayon sakini, 1961-ci il təvəllüdlü Samirat Əliyevanın idarə etdiyi “KıA” markalı minik avtomobili, 1982-ci il təvəllüdlü Zöhrab Qardaşovun idarə etdiyi “Opel” markalı minik avtomobili ilə toqquşub. 

Qəza nəticəsində hər iki avtomobilin sürücüsü xəsarət alıb. Yaralılar Zaqatala Rayon Mərkəzi Xəstəxanasına yerləşdirliblər. 

Faktla bağlı Zaqatala rayon Polis Şöbəsində araşdırma aparılır.