Yol-nəqliyyat hadisəsi zamanı işıqfor yararsız vəziyyətə düşdü

Baş verən yol-nəqliyyat hadisəsi zamanı növbəti dəfə işıqfor yararsız vəziyyətə düşüb.

Bu barədə TodayPress-ə DİN-in Nəqliyyatı İntellektual İdarəetmə Mərkəzindən məlumat verilib.

Bu gün səhər saatlarında paytaxtın Nizami rayonu, Babək prospekti ilə Əlişir Nəvai küçəsinin kəsişməsində qəza baş verib. Hadisə səbəbindən bir ədəd işıqfor dirəyi yararsız vəziyyətə düşüb.

Nəqliyyatı İntellektual İdarəetmə Mərkəzi tərəfindən sıradan çıxan işıqforun yenisi ilə əvəzlənməsi işləri görülür.