İmişlidə iki avtomobil toqquşdu, dörd nəfər xəsarət aldı

İmişli rayonunda xəsarətlə nəticələnən yol qəzası baş verib.

TodayPress xəbər verir ki, hadisə İmişli şəhəri ərazisində qeydə alınıb.

Belə ki, Adəm Əzizalıyevin idarə etdiyi "Mercedes" markalı minik avtomobili ilə Vüsal Abbasovun idarə etdiyi "Toyota Prius" markalı avtomobil toqquşub.

Hadisə zamanı xəsarət alan hər iki sürücü və sərnişinlər Natiq Nəsirov, İsmayıl Abbasov İmişli Rayon Mərkəzi Xəstəxanasına çatdırılıb.

Faktla bağlı araşdırma aparılır.