İdman zalında ölüm hadisəsi baş verdi

Bakının Xətai rayonunda idman zalında ölüm hadisəsi baş verib.

TodayPress  xəbər verir ki, hadisə Məhəmməd Hadi küçəsində yerləşən "Hədəf" idman klubunda qeydə alınıb.

Belə ki, məşq zamanı yeniyetmə idmançılardan birinin digər idman yoldaşına tətbiq etdiyi fənd digərinin boğulmasına səbəb olub.

Əraziyə təcili tibbi yardım çağırılsa da, boğulma təhlükəsi ilə üzləşən yeniyetmənin həyatını xilas etmək mümkün olmayıb.

Hadisənin təfərrüatı araşdırılır.