Bakıda maşın marketə çırpıldı, xəsarət alanlar var

Bakıda yol qəzası olub, 3 nəfər xəsarət alıb. Hərəkətdə olan avtomobil marketə çırpılıb.

TƏBİB-dən TodayPress-ə bildirilib ki, Respublika Təcili və Təxirəsalınmaz Tibbi Yardım Mərkəzinə 11.09.2024-cü il tarixində saat 17:40-da Suraxanı rayonu, Yeni Günəşli qəsəbəsi ərazisindən avtomobil qəzası ilə bağlı çağırış daxil olub.

Hadisə yerinə 3 təcili tibbi yardım briqadası cəlb olunub və xəsarət alan 3 nəfər (qadın cinsli) müştərək travmalarla Sabunçu Tibb Mərkəzinə hospitalizasiya olunub.