Babəkdə yol-nəqliyyat hadisəsi oldu

Babək rayonunun Yarımca kəndi ərazisində yol-nəqliyyat hadisəsi baş verib.

TodayPress xəbər verir ki, "Renault" markalı avtomobil yoldan çıxaraq aşıb.

Qəza zamanı avtomobildə olan Babək rayon, Yarımca kənd sakinləri - 1979-cu il təvəllüdlü Məmmədova Gülnarə Məmmədəli qızı və oğlu, 1999-cu il təvəllüdlü Məmmədov Yaşar Abbas oğlu xəsarət alıblar. Onlar Naxçıvan Muxtar Respublika Xəstəxanasına yerləşdiriliblər.

Hadisə yerinə polis əməkdaşları cəlb olunub, faktla bağlı araşdırma aparılır.