Aksiz markasız 400 mindən çox siqaret aşkar edildi

Azərbaycanda aksiz markasız 410 min 740 ədəd siqaret aşkar edilib.

Bu barədə TodayPress-ə Dövlət Gömrük Komitəsindən (DGK) bildirilib.

Məlumata görə, Dəniz Nəqliyyatı və Enerji Resursları Baş Gömrük İdarəsi Əməliyyat və Təhqiqat İdarəsinin əməkdaşları tərəfindən həyata keçirilən tədbirlər çərçivəsində qanunvericiliyə uyğun olaraq Azərbaycan Respublikası vətəndaşına məxsus nəqliyyat vasitəsinə və fərdi yaşayış evinə baxış keçirilib.

Baxış zamanı Azərbaycan Respublikasının aksiz markası ilə markalanmayan ümumilikdə 410740 ədəd siqaret aşkar edilib.