62 yaşlı kişiyə ayı hücum etdi

Oğuzda 62 yaşlı kişiyə  ayı hücum edərək yaralayıb.

TodayPress xəbər verir  ki, hadisə Xalxal kəndinin inzibati ərazisindəki yaylaqda baş verib.

Məlumata görə, Calut-2 qəsəbəsində məskunlaşmış, Xocalı rayon sakini, 1962-ci il təvəllüdlü Bakir Sabir oğlu Əliyev yaylaq ərazidə mal-qara otararkən ayı anidən heyvanlara hücum çəkib. Bu zaman heyvanları xilas etmək istəyən sakin özü də ayının hücumuna məruz qalıb. Əlindən və ayağından xəsarət alan Bakir Əliyev Oğuz Rayon Mərkəzi Xəstəxanasına yerləşdirilib.