İmtahanlar bitdi, protokolların və materiallarının emalına başlanılacaq

II və III ixtisas qrupları (o cümlədən I ixtisas qrupu üzrə RK və Rİ altqruplarının hər ikisini seçənlər üçün informatika fənni) üzrə qəbul imtahanı başa çatıb.

TodayPress DİM-ə istinadən xəbər verir ki, iyulun 8-dən etibarən imtahan protokolları və materialların emalına başlanılacaq.

İmtahanlarda istifadə olunan açıq tipli tapşırıqların yoxlanılması vaxt tələb etdiyindən nəticələrin iki həftədən sonra elan olunması nəzərdə tutulur.

Bundan başqa, mərkəzdən bildirilib ki, imtahan müddətində 4 nəfərdə mobil telefon aşkarlandığı üçün xaric ediliblər.

Üzərində mobil telefon tutulduğu üçün imtahandan xaric olunanların müsabiqə nəticələri ləğv olunur və onlar ixtisas seçiminə buraxılmırlar.