DİM və Gürcüstan MQİM əməkdaşlığı genişləndirir

Dövlət İmtahan Mərkəzi ilə Gürcüstanın Milli Qiymətləndirmə və İmtahan Mərkəzi (MQİM) arasında Anlaşma Memorandumunun müddəti uzadılıb. 

TodayPress xəbər verir ki, bu məqsədlə aprelin 24-də tarixində DİM-də görüş keçirilib. 

Tədbirdə hər iki qurumun nümayəndələri, o cümlədən DİM-in İdarə Heyətinin sədri Məleykə Abbaszadə və MQİM-in direktoru Nino Tsereteli iştirak ediblər.

Görüş zamanı təcrübə mübadiləsinin genişləndirilməsi, imtahan proseslərinin avtomatlaşdırılması, test tapşırıqlarının qarşılıqlı nəzərdən keçirilməsi və yeni əməkdaşlıq istiqamətlərinə dair fikir mübadiləsi aparılıb. 

Məleykə Abbaszadə DİM-in tətbiq etdiyi texnoloji yeniliklərdən danışaraq qurumun bu sahədə lider rolunu vurğulayıb.

Qonaqlar səfər çərçivəsində DİM-in muzeyində, qapalı imtahan materialları zonasına və “Sual Kitabçalarının Rəqəmsal Hazırlanması və Auditi Sistemi” ilə tanış olublar. 

Aprelin 27-də isə onlar buraxılış imtahanını müşahidə edəcəklər.

Qiymət Mahir