BDU və Hoca Əhməd Yəsəvi Universiteti arasında “Orhun” mübadilə protokolu imzalandı

Bakı Dövlət Universiteti (BDU) ilə Qazaxıstanın Hoca Əhməd Yəsəvi Beynəlxalq Türk-Qazax Universiteti arasında “Orhun” mübadilə protokolu imzalanıb.

Bu barədə TodayPress-ə BDU-dan verilən məlumata görə protokol çərçivəsində akademik heyətin, təhsilalanların və tədqiqatçıların mübadiləsi nəzərdə tutulur.

Qazaxıstanın nüfuzlu universitetlərindən biri olan Hoca Əhməd Yəsəvi Beynəlxalq Türk-Qazax Universitetinin əsası 1991-ci ildə qoyulub.

Hazırda universitetdə 9 fakültə fəaliyyət göstərir.

Bu universitet “QS Dünya Universitetləri Reytinqi”ndə 801-850-ci pillələrdə yer alır.

Protokolu BDU-nun rektoru Elçin Babayev və Qazaxıstanın Hoca Əhməd Yəsəvi Beynəlxalq Türk-Qazax Universitetinin rektoru Zhanar Temirbekova imzalayıblar.