Zelenski Trampla danışdı

Ukrayna Prezidenti Volodimir Zelenski ABŞ-nin seçilmiş prezidenti Donald Trampa zəng edərək onu təbrik edib.

TodayPress xəbər verir ki, bu barədə ukraynalı siyasətçi sosial şəbəkədə yazıb.

“Prezident Donald Tramp ilə əla telefon danışığım olub, onu tarixi qələbəsi münasibətilə təbrik etdim – onun möhtəşəm kampaniyası bu nəticəni mümkün edib. Onun ailəsini və komandasını gözəl işlərinə görə təriflədim”, – Ukrayna lideri qeyd edib.

Tərəflər “sıx dialoqu davam etdirmək və əməkdaşlığı inkişaf etdirmək barədə razılığa gəliblər”.

“Güclü və sarsılmaz ABŞ liderliyi dünya və ədalətli sülh üçün həyati önəm daşıyır” Zelenski vurğulayıb.

Xatırladaq ki, daha əvvəl Türkiyə Prezidenti Rəcəb Tayyib Ərdoğan və Donald Tramp arasında telefon danışığı olmuşdu.