Zaxarova Kaja Kallası anti-diplomat adlandırdı

Rusiya Xarici İşlər Nazirliyinin rəsmi nümayəndəsi Mariya Zaxarova Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Kaja Kallası Rusiyanın Suriyadakı hərbi bazaları ilə bağlı sözlərinə görə anti-diplomat adlandırıb. 

TodayPress xəbər verir ki, o, bu barədə brifinqdə bildirib.

“O, baş diplomat deyil, baş anti-diplomatdır. O, anti-diplomat Borrellin mirascısıdır. Bütün bunlar onların şəxsi mövqeyinə o qədər də dəlalət etmir. Bu, sadəcə olaraq, Aİ-ni NATO-nun iqtisadi şöbəsinə çevirir, yarandığı gündən bu qurumda təkcə aqressiv ritorika deyil, həm də ideologiya üstünlük təşkil edir” deyə Zaxarova bildirib.

Töhfə Səməd