Yunanıstanda açıq havada işləmək qadağan edildi

Yunanıstan hakimiyyət orqanları bu həftə gündüz saatlarında bəzi müəssisələrin işçilərinin açıq havada işləməsinə qadağa qoyub.

TodayPress xəbər verir ki, bu barədə Yunanıstanın Əmək Nazirliyi məlumat yayıb.

Qeyd edilib ki, inşaatçılar, qida çatdırılması xidmətinin işçiləri, kuryerlər və gəmiqayırma zavodlarının əməkdaşları çərşənbə axşamı-cümə günləri günorta saat 17:00-a qədər işlərini dayandırmalı olacaqlar. Çünki Yunanıstanın bəzi yerlərində temperaturun 42-43 dərəcəyə qədər yüksələcəyi gözlənilir.

ABŞ-dən Hindistana qədər dünyanın bir neçə bölgəsi də bu yay elektrik enerjisinin kəsilməsinə və meşə yanğınlarına səbəb olan həddindən artıq isti temperaturdan əziyyət çəkir.

Meteoroloqlar bu ayın sonuna qədər temperaturun düşməyəcəyini bildiriblər.