Yaponiyadan yanğınsöndürmə sahəsində yenilik

Yaponiya  Yanğın və Fəlakətlərin İdarə Olunması Agentliyi zəlzələ, daşqın və digər fəlakətlərdən zərər çəkmiş ərazilərə göndərmək üçün uzaqdan idarə edilən robotlar alacaq.

TodayPress xəbər verir ki, bu barədə Agentlik məlumat yayıb.

Agentlik yanğınsöndürmə qruplarını uzaqdan idarəetmə vasitəsi ilə böyük yanğınlarla mübarizə apara bilən robotlarla yanaşı, dar, kobud yollardan keçə bilən kiçik avtomobillərlə də təmin etməyi planlaşdırır. 

Eyni zamanda bu, personala fəlakətlər baş verdikdən dərhal sonra çevik şəkildə reaksiya verməyə imkan verəcək.

Qeyd edək ki, pilotsuz yanğınsöndürmə robotları bir neçə yüz metr məsafədən uzaqdan idarə oluna bilir. 

Həmçinin çox zədələnmiş yollarda və dar sahələrdə fəaliyyət göstərə bildikləri üçün robotların ilkin yanğınsöndürmə əməliyyatlarını sürətləndirəcəyi gözlənilir.

Nicat Osman