Yaponiyada güclü zəlzələ gözlənilir

Yaponiyanın cənubunda güclü zəlzələ ehtimalı 80%-ə yüksəlib. 

Yaponiyada Honsyu adasının cənub-şərqində Nankay qırağı ərazisində 8-9 bal gücündə güclü zəlzələnin baş vermə ehtimalı artıb. 

TodayPress yerli KİV-ə istinadən xəbər verir ki, bu barədə Yaponiya hökumətinin seysmik aktivliyin tədqiqi üzrə komissiyasının hesabatında bildirilib. 

"Yaxın 30 ildə belə bir zəlzələnin baş vermə ehtimalı 80% qiymətləndirilir. Hesablamalara görə, 323 min insan bu zəlzələdən sağ çıxa bilməyəcək" hesabatda vurğulanıb. 

Analitiklər qeyd ediblər ki, 40 il ərzində belə təbii fəlakət 90%, 50 il ərzində isə 90%-dən çox ehtimalla baş verə bilər.

Qeyd edək ki, Nankay qırağında 8 bal gücündə sonuncu güclü zəlzələlərdən biri 21 dekabr 1946-cı ildə baş verib. 

Günəş Mərd