Xunta başçıları Qərbi Afrika blokundan "üz çevirir"

Mali və Burkina Faso xunta rəhbərləri ilə birlikdə çıxış edən Nigerin hərbi lideri, onların Qərbi Afrika Dövlətlərinin İqtisadi Birliyindən (“ECOWAS”) geri dönüşü olmayacaq şəkildə  üz çevirdiklərini bildirib.

TodayPress xəbər verir ki, üç lider qonşu ölkələrin müqavimətinə baxmayaraq qurulan ittifaqı möhkəmləndirmək üçün ilk dəfə bir araya gəliblər.

Xatırladaq ki, 2020-2023-cü illər arasında Mali, Burkina Faso və Nigerdə ​​bir sıra çevrilişlər nəticəsində əsgərlər hakimiyyəti ələ keçirmişdi.

Sahel Dövlətləri İttifaqını qurmuş 3 ölkə cihadçı zorakılığından təsirlənirdi. Elə ordunun hökuməti ələ keçirməsinin bir səbəbi də bu idi.

Bu ilin yanvarında ölkələr “ECOWAS”-dan ayrılmaq planlarını açıqlamışdılar.

Nəzrin Cavadzadə