Vaşinqton Yaxın Şərqə əlavə hərbi qüvvələr göndərəcək

Vaşinqton bölgədə vəziyyətin pisləşməsi ilə əlaqədar Yaxın Şərqə əlavə hərbi qüvvələr göndərəcək.

TodayPress xəbər verir ki, bu barədə “RİA Novosti” Pentaqona istinadən məlumat yayıb.

"Yaxın Şərqdə artan gərginlik fonunda, ehtiyat tədbirləri əsasında, bölgədə artıq mövcud olan qüvvələrə dəstək vermək üçün az sayda əlavə hərbi heyyət göndəririk" departament sözçüsü vurğulayıb.

O, təhlükəsizlik maraqlarını əsas gətirərək təfərrüatları verməkdən imtina edib.

Bundan əvvəl Rusiya Xarici İşlər Nazirliyinin sözçüsü Mariya Zaxarova ABŞ-nın Yaxın Şərq siyasətinin növbəti dəfə iflasa uğradığını bildirib.

Rusiya diplomatik xidmətinin rəhbəri Sergey Lavrov bildirib ki, Birləşmiş Ştatlar Yaxın Şərqdə istənilən proseslərdə inhisar saxlamaq istəyir və bu, uğursuz yanaşmadır.

Aynur TAC