Uruqvaya uçan təyyarə Braziliyada məcburi eniş etdi

İspaniyanın paytaxtı Madriddən Uruqvayın paytaxtı Montevideoya gedən “Air Europa”-ya məxsus təyyarə "şiddətli turbulentlik” səbəbindən Braziliyanın Natal Beynəlxalq Hava Limanına məcburi eniş edib.

TodayPress xəbər verir ki “Air Europa”-nın "X" hesabında verilən açıqlamada, "Montevideoya uçan təyyarəmiz güclü turbulentlik səbəbindən Natal Beynəlxalq Hava Limanına normal eniş edib” ifadələri yer alıb.

Yeni təyyarə gələnə qədər sərnişinlər Braziliyanın Natal şəhərindəki otelə yönləndirilib.

Təyyarədə olan bir sərnişin X hesabında "10 saatlıq yoldan sonra 300 nəfər Natal Hava Limanına eniş etməli oldu" deyə paylaşım edib.