Ukraynada Rusiyanın bir neçə jurnalisti yaralandı, biri öldü

Ukrayna Silahlı Qüvvələrinə məxsus pilotsuz uçuş aparatının Donetsk – Horlivka şosesində hərəkət edən avtomobilə hücumu nəticəsində “İzvestiya” qəzetinin ştatdankənar müxbiri Aleksandr Martemyanov ölüb.

TodayPress xəbər verir ki, bu barədə “İzvestiya” qəzeti bildirib.

“İzvestiya” qəzetinin müxbiri Aleksandr Martemyanov Donetsk – Horlivka trasında Ukrayna PUA-sının avtomobilə hücumu nəticəsində həlak olub. Ukrayna Silahlı Qüvvələri “İzvestiya” qəzetinin müxbiri Aleksandr Martemyanovun olduğu mülki avtomobilə zərbə endirib” məlumatda qeyd olunub.

Qəzet avtomobilin təmas xəttindən uzaqda yerləşdiyini iddia edib.

Eyni zamanda, “RİA Novosti” jurnalistlərinin yaralandığını açıqlayıb.

Agentliyin məlumatına görə, ümumilikdə beş nəfər xəsarət alıb.

Qeyd edək ki, Horlivka Ukraynanın Donetsk vilayətinin eyniadlı mərkəzinin yaxınlığında yerləşir. 2022-ci ilin fevralında Rusiya sözügedən regionu ilhaq edib.