Türkiyədə zəlzələ: 100-ə yaxın şəxs xəsarət aldı - YENİLƏNDİ

Türkiyədə baş verən güclü zəlzələ nəticəsində 94 nəfər yaralanıb.

TodayPress Türkiyə KİV-inə istinadən xəbər verir ki, bu barədə Elazığ valisi Numan Hatipoğlu bildirib.

Onun sözlərinə görə, yeraltı təkanlar zamanı eyni zamanda iki bina ziyan görüb.

Zəlzələ ilə əlaqədar ölkənin Malatya, Elazığ, Şanlıurfa, Batman ve Adıyaman vilayətlərində tədris prosesi bir günlük dayandırılıb.

Ölkənin daxili işlər naziri Ali Yerlikayanın sözlərinə görə, Malatya, Elazığ və Şanlıufa vilayətlərinin hər birində bir bina qismən çöküb. Nazir bildirib ki, insan itkisi barədə məlumat hələ ki yoxdur.

***

12.45

Türkiyədə 5.9 maqnitudalı zəlzələ olub.

TodayPress xəbər verir ki, bu barədə ölkənin Fövqəladə Halların İdarə Olunması Agentliyi (AFAD) məlumat yayıb.

Zəlzələ Malatya vilayətində qeydə alınıb. Təhsil müəssisələrində tədris birgünlük dayandırılıb. Şəhər valisi Seddar Yavuz deyib ki, təbii fəlakətin nəticəsi olaraq mənfi məlumat hələ ki yoxdur.

Təbii fəlakət ətraf ərazilərdə də hiss edilib.