Türkiyədə boykot çağırışı edənlər barədə araşdırma aparılır

İstanbul Respublika Baş Prokurorluğu Türkiyədə yerli mal və müəssisələrə qarşı boykot çağırışı edən şəxslər barədə təhqiqata başlayıb. 

TodayPress xəbər verir ki, bu barədə prokurorluq məlumat yayıb. 

Bildirilir ki, araşdırmaya ənənəvi və sosial mediada əhalinin müəyyən hissəsinin iqtisadi fəaliyyətinə təsir göstərməyi hədəfləyən şəxslər cəlb olunacaq. 

Türkiyənin ticarət naziri Ömər Bolat ticarətdə maddi itkiyə məruz qalan hər kəsin boykot çağırışı edənlərə qarşı təzminat tələbi ilə məhkəməyə müraciət edəcəyini açıqlayıb. 

Qeyd edək ki, İstanbul bələdiyyə sədri İmamoğlu korrupsiyada şübhəli bilinərək, həbs edilib.

Bu səbəbdən insanlar Türkiyənin müxtəlif ərazilərində etirazlara başlayıb. 

Türkan İsgəndərli