Türkiyədə birgünlük matəm elan edildi

Türkiyədə birgünlük matəm elan edilib.

TodayPress xəbər verir ki, bu barədə Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra çıxışında deyib.

O, Türkiyədə yanğın nəticəsində ölənlərin yaxınlarına başsağlığı verib.

Ərdoğan, həmçinin qeyd edib ki, hadisənin baş verməsinə səbəb olan şəxslər, o cümlədən işlərinə laqeyd yanaşanlar qanun qarşısında cavab verəcəklər.

Xatırladaq ki, Türkiyənin Bolu bölgəsinin Kartalkaya xizək mərkəzində hoteldə yanğın baş verib. Hadisə nəticəsində 66 nəfər ölüb, 51 nəfər yaralanıb.