Türkiyə yaşayış binasında partlayış: 1 ölü, 17 yaralı

Türkiyənin şimalındakı Çorum şəhərində yaşayış binasında baş verən partlayış nəticəsində 1 nəfər ölüb, 17 nəfər yaralanıb. 

TodayPress xəbər verir ki, bu barədə Türkiyə KİV məlumat yayıb. 

Məlumata görə, Osmancık küçəsində yerləşən binanın 3-cü mərtəbəsindəki mənzildə məişət qazı partlayıb. 

Partlayış nəticəsində evin bir neçə mərtəbəsi dağılıb.

Yaxınlıqdakı tikililərə, eləcə də küçədə dayanmış avtomobillərə ziyan dəyib.