Türkiyə Putin və Tramp üçün uyğun görüş yeri kimi təklif edildi

“İstanbul ABŞ-nin yeni seçilmiş prezidenti Donald Tramp və Rusiya lideri Vladimir Putin üçün uyğun görüş yeri ola bilər”. 

TodayPress xəbər verir ki, bunu türkiyəli politoloq, Ankara-Moskva analitik şəbəkəsinin aparıcı eksperti Engin Özer deyib.

O, qeyd edib ki, bu şəhər mümkün danışıqlar üçün texniki cəhətdən münasib və dəqiq yerdir. Əgər belə bir görüş baş tutsa, onun əsas mövzularından biri anti-Rusiya sanksiyalarının ləğvi olacaq.

“Gözlənilir ki, energetika və maliyyə sahəsində beynəlxalq sanksiyalar aradan qaldırılmayacaq, lakin bəzi məsələlər, məsələn, Rusiyaya birbaşa uçuşlar üzrə sanksiyalar aradan qaldırıla bilər” politoloq təklif edib. O, əlavə edib ki, Türkiyə iki lider arasında görüşə ev sahibliyi etməyə layiqdir.

Bundan əvvəl Tramp Ukrayna münaqişəsinin həlli üçün Putinlə görüşü gözləyəcəyini bildirmişdi. Seçilmiş Amerika lideri bir daha qeyd etdi ki, indiki prezident Cozef Baydenin yerinə dövlət başçısı olsaydı, Ukraynada münaqişənin başlamasına imkan verməzdi.

Töhfə Səməd