Türkiyə ordusu İraq və Suriyada PKK-nın hədəflərinə zərbələr endirdi

Türkiyə Silahlı Qüvvələri TUSAŞ-da terror hücumundan sonra İraq və Suriyada PKK-nın hədəflərinə zərbələr endirir.

TodayPress bu barədə Türkiyə KİV-ə istinadən yazır.

Türkiyə Milli Müdafiə Nazirliyindən əməliyyatla bağlı verilən açıqlamada deyilir.

“İraq və Suriyanın şimalında terrorçu hədəflərə qarşı hava əməliyyatları keçirilib. 32 hədəf müvəffəqiyyətlə məhv edilib. Hava əməliyyatlarımız qətiyyətlə davam edir”.

Açıqlamada həmçinin Türkiyənin bu əməliyyatı Birləşmiş Millətlər Təşkilatının Nizamnaməsinin 51-ci maddəsindən irəli gələn özünümüdafiə hüquqdan istifadə edərək, PKK/KCK və digər terror ünsürlərini zərərsizləşdirərək ölkəyə qarşı terror hücumlarını aradan qaldırmaq və sərhəd təhlükəsizliyini təmin etmək məqsədilə başlatdığı bildirilir.