Trampın "memcoin"i korrupsiya sxemi adlandırıldı

ABŞ Prezidenti Donald Trampın özünün "$TRUMP" adlı "memecoin"ni bazara çıxarması gələcəkdə ona böyük siyasi ziyan vura bilər, çünki iş adamları və xarici məmurlar tərəfindən bu kriptovalyutaya investisiyalar korrupsiya və Amerika liderinin qərarlarına təsir etmək cəhdi kimi qiymətləndiriləcək. 

TodayPress xəbər verir ki, bu barədə "The Wall Street Journal" (WSJ) yazır.

Nəşr qeyd edir ki, Tramp və ailəsi “Trumpcoins” zərb edərək bu maniyadan pul qazanmağa çalışırlar.

Qəzet Tramp və onun həyat yoldaşının öz "memcoin"lərinin yaradılmasını siyasi risklər daşıyan və maraqların toqquşmasını ehtiva edən son dərəcə uzaqgörən qərar adlandırır. Xüsusi maraqları olan hər hansı bir iş adamı və ya xarici məmur qiymətini artırmaq üçün onun milyonlarla tokenini almaq planlarını açıqlayaraq Trampa rəğbət qazandırmağa cəhd edə bilər.

Belə hallar məlum olarsa, Trampın siyasi rəqibləri onu varlanmaqda, korrupsiyada və Amerika qanunlarını pozmaqda ittiham edəcəklər. WSJ respublikaçını kripto milyarderi olan ilk Amerika prezidenti adlandırır.

Xatırladaq ki, yanvarın 18-də Tramp öz kriptovalyutası olan "$TRUMP"un satışa çıxarıldığını elan edib. Gün ərzində "memcoin" ticarətinin həcmi 11 milyard dolları keçib.

Töhfə Səməd